අපේ රට රකින හතරවරම් දෙවිවරු..

ගිය සතියේ එක දවසක අපි කතා කළා දෙවිවරු ගැන.. එහෙම නැත්තම් දේව සංකල්පය ගැන. එක් එක් ආගම් වල විවිධ දෙවිවරු ගැන කතා බහට ලක් වෙනවා. ඉතින් ඒ දෙවිවරු ගැන වැඩිපුර විස්තර හොයාගෙන යන්න පරණ වයින් හරි ගණන් වැඩසටහනේ බදාදා දවස අපි වෙන් කළා. ඔන්න ඒ හින්දා අද අපි කතා කරන්නේ සතර වරම් දෙවිවරු ගැන. අපේ රටේ බුදු දහම ව්‍යාප්ත වෙන්න කලින් ඉඳලම දෙවිවරුන්ට වන්දනාමාන කරපු අවස්ථා තිබිලා තියෙනවා. ඒ අතර ප්‍රදාන තැනක් 4 වරම් දෙවිවරුන්ට හිමි වෙලා තියෙනවා. හැබැයි අද වෙද්දී 4 වරම් දෙවිවරු කියල අපි හඳුන්වන දෙවිවරු නෙමෙයි එදා වන්දනා මාන කරලා තියෙන්නේ. කොහොම වුනත් අද වැඩසටහන පටන් ගන්න කලින්ම ඔයාගෙන් ප්‍රශ්නයක් අහන්න කැමතියි. පුළුවන්නම් මට කියන්න හතර වරම් දෙවිවරු කියන්නේ කවුද කියලා.

මම ඔයාට ඉස්සෙල්ලත් කිව්ව නේද අපේ රටේ ඈත අතීතයේ ඉඳලම සතරවරම් දෙවිවරුන්ට වන්දනා මාන කළා කියලා. මෙහෙමයි එදා ඉඳන් අද වෙනකන් කාලෙත් එක්ක වෙනස් නොවුන දෙයක් නෑනේ. ඉතින් ඒ වෙනසට හතර වරම් දෙවිවරුත් මූණ දීලා තියෙනවා. අපේ රටේ හෙළයින් ඒ කියන්නේ යක්ෂ, නාග වගේ ගොත්‍රික ජනතාව පවා දේව වන්දනය සිද්ධ කරලා තියෙනවා. ඒ අතරින් ප්‍රභලම දෙවිවරු ඔවුන් සතරවරම් දෙවිවරු කියලා තමයි හඳුන්නලා තියෙන්නේ. අපේ අතීත හෙලයන් වන්දනා මාන කරපු ලෝක පාලන දෙවිවරු විදියට පිළිගත්ත දෙවිවරු වෙලා තියෙන්නේ  අග්නි, යම, ශ්විති හා රූද්‍රය කියන හතර දෙනා ලු. තාමත් අපිට අපහැදිලි යුගයක් වෙච්ච අපේ ගොත්‍රික ජනතාවගේන් මෙපිට කාලෙට අපි එද්දි මේ සතර වරම් දෙවිවරුන්ගේ නාමයන් වෙනස් වෙනවා. ඉන්දියානු ජනතාවගේ සංක්‍රමණයත් එක්ක ඒ අයගේ ආකල්ප මතිමතාන්තර අපේ හෙළ ජනතාව අතරත් පැතිරිලා යන්න ඇති ඒ හින්දා තමයි කාලෙත් එක්ක සතර වරම් දෙවිවරුන්ගේ නම් වෙනස් වෙන්නේ.

ක්‍රි.පූ 6 වන සියවස වෙද්දී හතර වරම් දේව සංකල්පය ටිකක්  වෙනස් වෙනවා. ඒ වෙනසත් එක්ක ඉන්දු, යම, වරුණ, කුවේර කියන දෙවිවරු 4 දෙනා හතර වරම් දෙවිවරු විදියට පිළිගන්න අපේ රටේ ජනතාව පුරුදු වෙනවා. ඒක එහෙම සිද්ධ වෙන්නේ හින්දු බලපෑමත් එක්ක කියලා තමයි දැනගන්න ලැබෙන්නේ. හැබැයි කාලෙත් එක්ක අපේ පැරැන්නන්ට හිතෙනවා අපිට අයිති නැති දෙවිවරුන්ට ඇයි අපි වදින්නේ කියලා. අන්න ඒ හින්දා අර කලින් අපි කිව්ව ඉන්දු, යම, වරුණ, කුවේර කියන දෙවිවරු හතර දෙනාගෙන් ලාංකික සම්භවයක් තිබුණ කුවේර එහෙම නැත්තම් වෛශ්‍රවන ත් එක්ක වෙනත් ලාංකික දෙවිවරු හතර වරම් දේව සංකල්පයට ඇතුලත් කරගෙන වන්දනා මාන කරන්න පටන් ගන්නවා. අන්න ඒ කාල වකවානුවෙදි හතර වරම් දේව සංකල්පයට අයිති වෙන දෙවිවරු වෙන්නේ ධ්‍රතරාෂ්ඨ, විරූඩ, විරූපාක්ෂ වෛශ්‍රවන කියන දෙවිවරුයි.

බුදු දහමෙදි නම් දීඝනිකායේ එන ආටානාටිය සූත්‍රය දේශනා කරන්නෙත් හතරවරම් දෙවිවරුන් ට කියලයි දැනගන්න ලැබෙන්නේ. බෞද්ධ දර්ශනය  ඇතුලේ කොයිම වෙලාවක වත් දෙවියන් ප්‍රතික්ශේප කරන්නේ නෑනේ. අන්න ඒ හින්දා අදටත් පිරිත් දේශනා වලදි හතර වරම් දෙවියන් වෙනුවෙන් මල්පැල ඉදිකරන්නේ ඒ හින්දයි. ඒ විතරක් නෙමෙයි චෛත්‍යයට ඉහළින් තියෙන දේවතා කොටුවේ පැති හතරක් තියෙන විදියට නිර්මාණය කරන්නෙත් සිව්වරම් දෙවිවරු සිහි කරන්න හිතාගෙනලු. අනිත් එක තමයි අනුරාධපුර යුගයේ විජයාරාම කැනීම් වලදී හම්බ වෙච්ච දේව රූප හතර හතරවරම් දෙවිවරුන්ගේ කියලා එච්. සී .පී බෙල් මහත්තයා කියලා තියෙනවා. ඇයි එතකොට ජය ශ්‍රී මහා බෝධීන් වහන්සේ වැඳ පුදා ගන්න පිවිසෙන වාහල්කඩ හතරේත් හතරවරම් දෙවිවරුන්ගේ දේව රූප නිර්මාණය කරලා තියෙන නිසා දැනට තියෙන හතරවරම් දේව සංකල්පය අනුරාධපුර යුගයේ ඉඳලා පැවතගෙන එනවා කියලා අපිට හිතන්න පුළුවන්.

චෝළ රජවරුන්ගේ ආක්‍රමණයන් එක්කම අපේ රටේ ජනතාවගේ ඇදහිලි විශ්වාස වලටත් බලපෑම් එල්ල වෙන්න පටන් අරන් තියෙනවා. මධ්‍ය කාලීන යුගය වෙද්දී සතර වරම් දෙවි වරු විදිහට අපේ රටේ ජනතාව පිළිගන්නේ සමන්, කතරගම, උපුල්වන්, විභීෂණ කියන දෙවිවරුයි. ලංකාතිලක විහාරය ඉදි කරද්දි මේ දෙවිවරුන්ගේත් පිළිම නෙලුවා කියලා සෙල්ලිපියක ලියලා තියෙනවා. ඒක තමයි සතර වරම් දෙවිවරු ගැන නුදුරු අතීතයේ සතර වරම් දෙවිවරු ගැන තියෙන එකම සාක්ෂිය වෙලා තියෙන්නේ.

අතීතය අනාගතයට ගේන පරණ වයින් හරි ගණන්

අහන්න. සතියේ දිනවල හවස 6 සිට රාත්‍රී 8 වෙනකන්

95.6|95.8


සකල කලාවට අධිපතිනිය සරස්වතී දේවිය ගැන කතාව..

අපේ රටේ පැරණි ජන සමාජය ඇතුලේ දේව වන්දනාව ගහට පොත්ත වගේ බැඳිලා තිබුණ දෙයක්. අදටත් දෙවියන් කෙරෙහි අපේ විශ්වාසය අඩුවක්..

උල්කාපාතයක ගැටුන අරුම පුදුම භූමිය.. ලංකාවෙන්

අපේ රටේ කොයිතරම් සුන්දර තැන් තියෙනවද? ඒ තැන්වල සුන්දරත්වයත් එක්කම හැංගුන වටිනාකම් ගොඩක් තියෙනවා..

කෝච්චි වලට ඇයි පිරිමි නම් නැතුව කාන්තා නම් දාන්නේ?

මතකද කෝච්චියෙන් ගමනක් මුලින්ම ගියපු හැටි. ජීවිතේ එකම එක සැරයක් හරි දුම් රියෙන් ගමනක් ගිහින් ඇතිනේ. ඉතින් ඒ හින්දම ඔයා දන්නවා..

අපේ රටේ ජිවත් වුණු අරුම පුදුම දරුණු ජීවින් (නිට්ටෑවන්)

අපේ රටේ ජිවත් වුන පරණම ජන කොට්ඨාසය කවුද කියලා ඇහුවොත් අපි දෙන උත්තරේ තමයි ආදී වාසින් එහෙම නැත්තම් වැදි ජනතාව කියන දේ.

මැයි දිනයේ ඉතිහාසය

විප්ලවවාදී අදහස් දරන පුද්ගලයින් හින්දා සමාජය වෙනස් වෙනවා. ඇයි දන්නවද මම එහෙම කියන්නේ. මේක මෙහෙම කරන්න කියලා කෙනෙක්..

ලෞකික සැප සම්පත් ලබා දෙන ශිව දෙවියන්..

ධනයට, යන්ත්‍ර මන්ත්‍ර තන්ත්‍ර ත්‍රිවිද්‍යාවට, ආයුර්වේද ශාස්ත්‍රයට ජ්‍යතිශය විද්‍යාවට පොළව යට පවතින වස්තුවට අධිපති දෙවියන් විදියට තමයි ශිව..

අපේ රට රකින හතරවරම් දෙවිවරු..

ගිය සතියේ එක දවසක අපි කතා කළා දෙවිවරු ගැන.. එහෙම නැත්තම් දේව සංකල්පය ගැන. එක් එක් ආගම් වල විවිධ දෙවිවරු ගැන කතා බහට..

මිනිස්සුන්ගේ ජීවිත උදුරගත්ත ලොකේ දරුණුම චිත්‍ර ශිල්පියා

ජීවිතේට සිද්ධ වෙන එක එක දේවල් හින්දා අපේ මුළු හිතම හෙල්ලිලා යන වෙලාවල් තියෙනවා. එහෙම වෙන එක සාමාන්‍ය දෙයක් නේ නේද? ඒ හින්දා..

අපි අදහන අපේ දෙවිවරු ගැන

අපිට එදිනෙදා ජීවත් වෙද්දි කොයිතරම් නම් කරදර බාධක වලට මූණ දෙන්න සිද්ධ වෙනවද? අපිට හරියන වේලාවට ළඟ ඉන්න කවුරුවත් අපිට..



Copyright © 2016. All Rights Reserved. Designed and Developed by TNLRN Online