බැරිම වුනොත් රට අත ඇරලා යනවා - මහේන්ද්‍ර පෙරේරා

1993 දී සිය රංගන දිවිය අරඹමින් ශ්‍රී ලාංකීය චිත්‍රපට, ටෙලිනාට්‍ය වගේම වේදිකා නාට්‍ය රංගන ශිල්පියෙක් ලෙස විවිධ චරිත නිරූපණය කරමින්  අදටත් ක්ෂේත්‍රය තුළ සිය රංගන ප්‍රතිභාව ප්‍රතිනිර්මාණය කරන ඔහු මහේන්ද්‍ර පෙරේරා. ඔහුත් සමඟින් ඔහුගේ රංගන දිවියේ නොමැකෙන මතකයන් ගැන සහ රංගන දිවිය ගැන ඔහුගේ අදහස් ගැන කතා බහ කරන්න අපි හිතුවා.

මහේන්ද්‍ර පෙරේරා ඔයාගේ රංගනයට ලැබුණු සම්මාන ගැන මොකද හිතෙන්නේ?

සම්මාන නම් දැනට 30ක් විතර තියෙනවා. මං හිතන්නේ ඒවා අතර නොලැබිච්ච සම්මානත් තියෙනවා. ඒ කියන්නේ ලැබිය යුතු නොලැඹුණ සම්මානත් තියෙනවා. උදාහරණයක් විදියට ගොළු තාත්තා චරිතයට හැමෝගෙන්ම ප්‍රතිචාර ලැබුණා. ඒත් ඒ චරිතයට සම්මානයක් ලැබුණේ නෑ. හැබැයි ඒ ලැබුණු රසික ප්‍රතිචාර මට හුඟක් වටිනවා.

ක්ෂේත්‍රයේ ප්‍රවීනයෙක් විදියට හැමෝමත් එක්ක විහිලුවෙන් සැහැල්ලුවෙන් ඉද්දී පෞර්ෂයට හානියක් වෙන්නේ නැද්ද?

නෑ මට එහෙම හිතෙන්නේ නෑ. මම බොරුවට ප්‍රබුද්ධ වෙන්න හදන කෙනෙක් නෙමෙයි. මම ලෝකය තේරුම් අරන් තියෙනවා. මම මේ දේශපාලනය තේරුම් අරන් තියෙනවා. මිනිස්සුන්ව තේරුම් අරන් තියෙනවා. එක මිනිහෙක්ව ආශ්‍රය කරද්දී ටික කාලෙකදි තේරෙනවා මේ මනුස්සයා කොහොමද කින්ද මන්ද කියලා. පොඩි කාලේ ඉඳලා මගේ ස්වභාවය ඒකයි. හැමෝමත් එක්ක විහිළු කරන්න යන්නේ නෑ ඔය කිව්වට.

ජනප්‍රිය නලුවෙක් වෙන්න හැමෝටම පුළුවන් හැබැයි දක්ෂ නලුවෙක් වෙන්න හැමෝටම බෑ. දක්ෂ නලුවෙක් වෙන්න මොනවද කරන්න ඕන?

නෑ එකම දේ වෙන්න ඕන මේ විෂය හදාරන්න ඕන. විෂය තුළ හොයායෑම කළ යුතුයි. තමන් අලුත් විය යුතුයි. මේ විෂය ඇතුලේ මම කොයි වගේ නලුවෙක්ද වෙන්නේ කියලා තීරණය කරන්න ඕනේ. සතත අභ්‍යාසයේ යෙදෙන්නේ නැතුව ගමනක් නෑ.

ඔබේ රංගනය පරිපූර්ණයි. නිෂ්පාදනයට අධ්‍යක්ෂණයට පිවිසෙන්න කැමති නැද්ද?

නිෂ්පාදකවරයෙක් වෙන්න හීනෙකින්වත් බෑ කියලා මං දන්නවා. මේ හම්බකරන මුදලුත් එක්ක. නිශ්පාදකවරයෙක් ආවොත් අධ්‍යක්ෂණයට එන්න කැමැත්තක් තියෙනවා. හැබැයි මගේ විශේෂ කැමැත්ත තියෙන්නේ රඟපාන්න තමයි. පුළුවන් විදියට කරගෙන යනවා. බැරිම වුනොත් රට අත ඇරලා යනවා කියලා තමයි හිතන් ඉන්නේ.

  • මහේන්ද්‍ර පෙරේරා ඔයාගේ රංගනයට ලැබුණු සම්මාන ගැන මොකද හිතෙන්නේ?
  • ක්ෂේත්‍රයේ ප්‍රවීනයෙක් විදියට හැමෝමත් එක්ක විහිලුවෙන් සැහැල්ලුවෙන් ඉද්දී පෞර්ෂයට හානියක් වෙන්නේ නැද්ද?
  • ජනප්‍රිය නලුවෙක් වෙන්න හැමෝටම පුළුවන් හැබැයි දක්ෂ නලුවෙක් වෙන්න හැමෝටම බෑ. දක්ෂ නලුවෙක් වෙන්න මොනවද කරන්න ඕන?
  • ඔබේ රංගනය පරිපූර්ණයි. නිෂ්පාදනයට අධ්‍යක්ෂණයට පිවිසෙන්න කැමති නැද්ද?
  • මහේන්ද්‍ර පෙරේරා එක නිර්මාණයකට දායක වෙන්න කොයිතරම් මුදලක් අය කරනවද?

 


මිනිස්සුන්ට මං හිතන්නේ මගේ ප්‍රසිද්ධිය දරාගෙන ඉන්න බැරුව ද දන්නේ නෑ.

මිනිස්සු කියන්නේ හරි අමුතු ජාතියක් කියලා කියන්නේත් මිනිස්සුම තමයි. එහෙවු අපි තවත් පුද්ගලයෙක්ට චරිත සහතික ලියන්නත් හරි දක්ෂයිනේ..



Copyright © 2016. All Rights Reserved. Designed and Developed by TNLRN Online