බස් කුඩු කරන ආදර ගැටුම්

පාසල් කාලේ තරම් සුන්දර අවධියක් අපි කාටවත් නැහැ කියලයි හුග දෙනෙක් කියන්නේ. අපි සමාජය ගැන ඉගෙන ගන්න පළමු පියවර තියන්නේ පාසලෙන් වීම ඊට හේතුවයි. මේ කාලේ ඇතිවන පුංචි පුංචි ගැටුම් පාසල ඇතුළට විතරක් සීමාවෙනවා නම් ඒක ගොඩක් හොඳයි. මොකද පාසලේ දේවල් එළියටත් එළියේ දේවල් පාසල ඇතුළටත් ආවොත් එතන ප්‍රශ්න හුගක් ඇතිවෙන්න පුලුවන් නිසා. 

මෙහෙම සිද්ධියක් පසුගිය බදාදා හවස් වරුවේ කොළඹදී සිද්ධ වුණා. ප්‍රධාන පාසල් 3 ක සිසුන් අතර ලොකු ගැටුම් 2 ක් ඇතිවුණා. පිරිසක් තුවාල වෙලා රෝහල් ගත කරද්දි තව සිසුන් පිරිසකට පොලිස් කූඩුවට යන්නත් උණා. මේ ගැටුමට මුල ආදරවන්තයන්ගේ දිනය වුණු සිදුවීමක් කියලයි අපිට ආරංචි උණේ. 
 
අපි අපේ ආකල්ප නිවැරදි විධියට හදාගන්නවා නම් මේ වගේ කිසිම ප්‍රශ්නයක් ඇතිවෙන එකක් නැහැ. ඒ වගේම තමයි එක්කෙනෙක් දෙන්නෙක්ගේ මේ වගේ වැරදි නිසා මුලු පාසලම බැණුම් අහන එකත් වැරදියි. අද අපි එෆ් බී පොලිටික්ස්වලදී මේ ගැන කථා කලා. ඇත්තටම සිසු විනය පිරිහෙන්න වගකියන්න ඕනේ කවුද? අහලා බලන්න.
 
 
මේ සිද්ධිය ගැන අධ්‍යාපන අමාත්‍යංශය මෙන්න මෙහෙම නිවේදනයකුත් එවලා තිබුණා.
 
ප්‍රවෘත්ති නිවේදනය - පාසල් කිහිපයක ඊයේ ඇති වූ ගැටුම් පිළිබඳ සාකච්ඡා කිරීම සදහා කොළඹ ප්‍රධාන පෙළේ පාසල් කිහිපයක විදුහල්පතිවරුන් අධ්‍යාපන අමාත්‍යාංශය‍ට - එළඹෙන ක්‍රිකට් තරගවල දී  විනය ආරක්ෂා කිරීම සම්බන්ධව ද දැඩි අවධානය ඊයේ ‍කොළඹ ප්‍රධාන පෙළේ ජාතික පාසල් තුනකින් වාර්තා වූ ගැටුම් පිළිබඳ සහ එළඹෙන ක්‍රිකට් තරගවලදී ගත යුතු ක්‍රියාමාර්ග පිළිබඳ සාකච්ඡා කිරීම පිණිස අධ්‍යාපන අමාත්‍ය අකිල විරාජ් කාරිවසම් මහතා විසින් කොළඹ ප්‍රධාන පෙළේ ජාතික පාසල් කිහිපයක විදුහල්පතිවරුන් අද (16) හදිසි රැස්වීමක් සඳහා අධ්‍යාපන අමාත්‍යාංශය වෙත කැඳවා තිබුණා.
 
මෙහි දී කොළඹ ආනන්ද සහ නාලන්දා විද්‍යාලවල සිසුන් දෙපිරිසක් අතර හටගත් ගැටුම පිළිබඳව සහ කොළඹ ඩී.එස්. සේනානායක විද්‍යාලයේ ඇති වූ සිද්ධිය පිළිබඳ අධ්‍යාපන අමාත්‍යවරයා දීර්ඝ වශයෙන් කරුණු සාකච්ඡා කළා. මෙවැනි ගැටුම්වලදී ඒවා කළමනාකරණය කිරීම පිළිබඳවත්, දැනට ගෙන ඇති විනය ක්‍රියාමාර්ග පිළිබඳවත් අධ්‍යාපන අමාත්‍යවරයා විසින් කරුණු විමසුවා. 2016/12 දරන චක්‍රලේඛ‍ය අනුව පාසල් තුළ විනය ආරක්ෂා කිරීම සම්බන්ධයෙන් කරුණු ඇතුළත් වන අතර විනය කඩකරන සිසුන් සම්බන්ධයෙන් පියවර ගැනීම සඳහා විනය මණ්ඩලයට බලය පවරා තිබෙනවා. කෙසේ වෙතත් මෙලෙස විනය ක්‍රියාමාර්ග ගැනීමේ දී ඇතැම් විදුහල්පතිවරුන් අපහසුතාවයට පත්වන බවයි, පැමිණි සිටි විදුහල්පතිවරුන් සඳහන් කළේ. ඇතැම් විට මානව හිමිකම් කොමිසන් සභාව මගින් මෙන්ම වෙනත් ආයතන හරහා මේ සම්බන්ධයෙන් සිදුකරන නිර්දේශ හමුවේ විනය ක්‍රියාමාර්ග දැඩිව ක්‍රියාත්මක කිරීමට නොහැකි බවයි පැමිණි සිටි විදුහල්පතිවරුන් ප්‍රකාශ ක‍ලේ.
 
මේ පිළිබඳ අවධානය යොමු කළ අධ්‍යාපන අමාත්‍ය අකිල විරාජ් කාරියවසම් මහතා ඉදිරියේ දී පවත්වනු ලබන පාසල් ත්‍රිකට් තරගාවලීන් ද ආවරණය වන අයුරින්, පාසල් සිසුන්ගේ විනය ආරක්ෂා වන පරිදි නව විධිවිධාන ද ඇතුළත් කොට ශක්තිමත් යාන්ත්‍රණයක් සකසන ලෙසත් ඒ සඳහා අවශ්‍ය චක්‍ර ලේඛ සකස් කරන ‍ලෙසත් නිලධාරීන් උපදෙස් ලබාදුන්නා. මෙම කටයුතුවලදී මානව හිමිකම් කොමිසන් සභාව ජාතික ළමාරක්ෂක අධිකාරිය, ජාතික අධ්‍යාපන ආයතනය ඇතුළු අදාළ සියලු පාර්ශවකරුවන්ගේ හා විද්වතුන්ගේ අදහස් ගන්නා ලෙස උපදෙස් ලබා දුන්නා. මීට අමතරව, නව යොවුන් වයසේ ඇතිවන සිතිවිලි සමග දරුවන් ගැටුම්වලට පෙළඹීමේ අවකාශයන් හඳුනාගත හැකි පරිදි ඒවාට වහා පිළියම් යෙදිය හැකි ගුරුවරුන් පුහුණු කිරීමේ වැඩසටහන් ක්‍රියාත්මක කිරීමටත් මීට සමගාමීව හැකි ඉක්මණින් මනෝ උපදේශන ගුරුවරුන් බඳවා ගැනීමට පියවර ගන්නා ලෙස අමාත්‍යවරයා නිලධාරීන්ට උපදෙස් ලබාදුන්නා.
 
පාසල් දරුවන් මුහුණපාන ගැටළු පිළිබඳ සංයමයෙන් යුක්තව විමසා බැලීම ගුරුවරුන් විසින් සිදුකිරීමේ අවශ්‍යතාවය මතු කළ අමාත්‍යවරයා දරුවන් තුළ නිර්මාණය වන ගැටුම් කළමනාකරණය කිරීමේ දී ගුරුවරුන් ඒ සදහා සක්‍රීයව මැදිහත් වී‍මේ අවශ්‍යතාව ද සිහිපත් කළා.
පාසල් දරුවන්ගේ විනය ආරක්ෂා කිරීමේ දී එම වගකීම විදුහල්පතිවරුන්ට හා ගුරුවරුන්ට සෘජුවම පැවරෙන බව සිහිපත් කළ අමාත්‍යවරයා, තම දරුවන්ගේ හැසිරීම පිළිබඳ වගකීම දෙමාපියන් විසින් ද දැරිය යුතු බව සඳහන් කළා. මීට අමතරව විදුහල්පතිවරුන්ගෙන් සැදුම්ලත් කමිටුවක් පත්කොට පවත්නා ප්‍රායෝගික ගැටළු පිළිබඳ දීර්ඝ වශයෙන් සාකච්ඡා කොට, පාසල් විනය ආරක්ෂා කිරීම වෙනුවෙන් මැදිහත්විය හැකි කාලීන යෝජනා ඇතුළත් වාර්තාවක් සතියක් ඇතුළත තමා වෙත ලබාදෙන ලෙසත් අමාත්‍යවරයා මෙහිදී උපදෙස් ලබා දුන්නා.
 
කො/ආනන්ද විද්‍යාලය, කො/නාලන්ද විද්‍යාලය, කො/ඩී එස් සේනානායක විද්‍යාලය, කො/රාජකීය විද්‍යාලය, කො/තර්ස්ටන් විද්‍යාලය, මොරටුව වේල්ස්කුමර විද්‍යාලය, මොරටුව ශාන්ත සෙබස්තියන් විද්‍යාලය, කො/මහානාම විද්‍යාලය, කැළණිය ශ්‍රී ධර්මාලෝක විද්‍යාලය, කො/ඉසිපතන විද්‍යාලය, ගල්කිස්ස ශාන්ත තෝමස් විද්‍යාලය ඇතුළු පාසල් කිහිපයක විදුහල්පතිවරුන් සහ නියෝජ්‍ය විදුහල්පතිවරුන් මෙන්ම අධ්‍යාපන අමාත්‍යාංශයේ අතිරේක ලේකම්(ගුණාත්මක සංවර්ධන) ආචාර්ය මධුරා වේහැල්ල, අතිරේක ලේකම් (අධ්‍යාපන සේවා) හේමන්ත ප්‍රේමතිලක ඇතුළු නිලධාරීන් පිරිසක් සහභාගී වුණා.
අධ්‍යාපන අමාත්‍යාං‍ශය
 


දුන්නොත් වධේ - වේවි යන්න හිරේ

නවක වධය කියන සාධකය විශ්ව විද්‍යාලවල උප සංස්කෘතියක් හැටියටයි සැලකෙන්නේ. අතීතයේ නවක වධය සැලකුණේ හරිම සුන්දර දෙයක්..

මිනිස් වෙසින් සිටින නොමිනිසුන්

ගැබිණි මාතාවක් කියලා කියන්නේ අපේ සමාජයේ ඉහළින්ම ගරු බුහුමන් ලැඛෙන චරිත අතරින් කෙනෙක්. ඒ මොකද කියනවා නම් උතුම් මාතෘත්වයට..

බස් කුඩු කරන ආදර ගැටුම්

පාසල් කාලේ තරම් සුන්දර අවධියක් අපි කාටවත් නැහැ කියලයි හුග දෙනෙක් කියන්නේ. අපි සමාජය ගැන ඉගෙන ගන්න පළමු පියවර තියන්නේ..

වැලන්ටයින් වැලේ වැල් නැතිවෙයිද?

පෙම්වතුන්ගේ දිනය එහෙම නැත්නම් වැලන්ටයින් දිනය සැමරෙන්නේ සැම වසරකම පෙබරවාරි 14 වනදා. හැබැයි ආදරය කියන්නේ එක දවසකට..

මහමග දමා ගියොත් වැඩ වරදී

හුගක් ගෙවල්වල සුරතලයට සතුන් ඇති කරන එක සාමාන්‍ය දෙයක්. ඔවුන්ට සලකන්නෙත් හරියට ගෙදර සාමාජිකයෙකුට වගේ. සමහර නිවෙස්වල..

සෙනසුරු මාරුවෙයි. අනාවැකිත් මාරුවෙයි.

ජ්‍යොතිෂය කියලා කියන්නේ වසර දහස් ගණනක ඉඳලා ශ්‍රී ලාංකිකයන් හැටියට අපේ ජීවිත එක්ක බැඳිලා තියෙන දෙයක්. විවිධ අය විවිධ මට්ටම්වලින්..

4 වෙනි පළමු වෙඩි මුරයවත් පත්තුවෙයිද?

සාමාන්‍යයෙන් ඕනෑම රටක විපක්ෂය හදන්නේ පුලුවන් තරම් ඉක්මනට බලයට එන්න. ඒක සාමාන්‍ය ස්වභාවය. ඒ සඳහා ඔවුන් නොකරන දෙයක්..

වාහනවල ගැලවෙන අලුත්ම දේ

ශ්‍රී ලංකාවේ රථවාහන නීති කොපමණ තිබුනත් ඇතමුන් ඒවා ගණනකටවත් ගන්නේ නැහැ. විශේෂයෙන් තමන්ගේ පස්සේ තමන්ගේ දරුවොත් මේ අඩි..

රෝද 3 යාලුවාට තවත් නීති

ත්‍රී රෝද රථ එහෙම නැත්නම් ටුක් ටුක් කියන්නේ අපිට හදිසියකදී වඩාත් වැදගත්ම රථවාහනය කිව්වොත් වැරදි නැහැ. රෝද තුනේ යාලුවා කියන..

අහිමි හිමි GSP+

ශ්‍රී ලංකාව ගැන මැදහත් විචාරකයන් පිළිගන්න එක් කාරණයක් තමයි රටට තියෙන ජාත්‍යන්තර සහය වත්මන් රජය යටතේ ඉහළ ගිහින් කියන කාරණය..



Copyright © 2016. All Rights Reserved. Designed and Developed by TNLRN Online