හොඳයි වරදක් නෑ.. සමහර දේවල් වලට හිනා යන්නේ නම් නෑ හැබැයි

ටෙනිසන් කුරේ.. ශ්‍රී ලංකාවේ ඉන්න දක්ෂ විකට නළුවෙක්. වේදිකා නාට්‍ය නළුවෙක්. ඒ වගේම අධ්‍යක්ෂකවරයෙක්. ඒ කොහොම වුනත් ටෙනිසන් කුරේ මුළු රටේම මිනිස්සුන්ගේ හිත දිනා ගත්ත දක්ෂ විකට නළුවෙක් විදියට. 1986 "පෙරළිකාරයෝ" සහ "නොම්මර එකයි" ටෙනිසන් කුරේ ක්ෂේත්‍රයට පය තබන්නේ. ඊට පස්සේ ටෙනිසන් කුරේ ගේ විශාල චිත්‍රපට ප්‍රමාණයක් එලියට එනවා. චණ්ඩින්ගෙත් චණ්ඩියා, සම්බුදු මහිම, හොඳ හොඳ සෙල්ලං, හිත හොඳ පුතෙක්, හොඳින් නැත්නම් නරකින්, ඇසළ සඳ, චෙරියෝ ඩොක්ටර්, අලි බබා සහ හොරු 40, ආසයි බයයි මේ චිත්‍රපට අතරේ මෑතකාලයේ තැන්ක් යූ බර්ටි, ජීවිතේ ලස්සනයි, සුපිරි අන්දරේ, රංජා, සිංග මචං චාර්ලි මේත් එක්කම මේ අවුරුද්දේ අලුත් චිත්‍රපට දෙක තුනක්ම එළිදක්වනවා. එයින් එකක් තමයි හලෝ මිස්ටර් මං ඩිරෙක්ටර් අනිත් එක තමයි නෝන හරිම වසයි. 

මේ වගේ චරිතෙකට attitude check එකේ ඉඩක් ලබා දෙන්න ඕනේ කියල අපිට හිතුනා. කොහොම හරි ඒ පැය දෙක අතුලත ටෙනිසන් කුරේට ලැබුන ප්‍රතිචාර තමයි මේ. 

"අපි ගොඩක් ආදරේ කරන සිංහල සිනමාවට වැඩක් කරපු කෙනෙක්."
"ලංකාවේ විකට ලොවේ රජ්ජුරුවෝ."
"ටෙනිසන් කියන්නේ අපි ආසම චරිතයක්."
"හරිම නිදහස් මනුස්සයෙක් වගේ තමයි පෙන්නේ."
"ලංකාවේ ඉන්න චරිත වලින් supirima චරිතයක්"
"මේ වගේ කෙනෙක් කවදාවත් ලංකාවට බිහිවෙන එකක් නෑ."     

හැමෝටම වගේම ටෙනිසන් කුරේටත් හොඳ වගේම ඊට වෙනස් ප්‍රතිචාරත් තිබුනා. ඒ දේවල් වලට අපි ඔහුගෙන් පිළිතුරු බලාපොරොත්තුවෙන් වැඩසටහන ඇතුලත අවස්ථා දෙකකදී අපි ටෙනිසන් කුරේව දුරකථනය ඔස්සේ සම්බන්ද කරගත්තා. 

අපිට නම් එයාගේ විහිලු වලට හිනා යන්නේ නෑ. අඩුම තරමේ ටෙනිසන් කුරේට වත් එයාගේ විහිලු වලට හිනා යනවා ද කියලා අහනවා?
"මිනිස්සුන්ට ඉතින් එහෙම කියන්න පුලවන්. මොකද මට කැමතයි පිරිසක් වගේම අකමැති පිරිසකුත් ඉන්නවා."

දැන් ටෙනිසන් කුරේගේ යුගේ ඉවරයි. දැන් අලුත් අය ඉන්නවා. ඒ වෙනුවට මිනිස්සු මෙහෙම කියනවා?
"ඔවු.. අපිටත් යුගයක් තිබ්බා. දැන් අලුත් අය ඉන්නවා. අපිටත් කලින් යුගයක් තිබ්බා. එහෙම තමයි ඉතින්."

දැන් කරන drama ටෙනිසන් කරන්නේ සල්ලි හම්බ කරන්න ද? මිනිස්සු මෙහෙමත් අහල තියනවා. 
"එහෙම නම් නෑ. මම මේ මාසෙත් නොමිලේ වැඩ කිහිපයක් තියනවා. ඉතින් මම එහෙම සල්ලි බලාපොරෝත්තුවෙන් වැඩ කරන්නේ නෑ. ඒ වුනාට ජීවත් වෙන්නත් සල්ලි ඕනේ."

අලුතෙන් ක්ෂේත්‍රයට අවිල්ල ඉන්න විකට නළුවෝ ගැන ටෙනිසන් කුරේගේ අදහසත් මිනිස්සු අහලා තිබුනා?
"හොඳයි වරදක් නෑ. සමහර දේවල් වලට හිනා යන්නේ නම් නෑ හැබැයි."
 


කොහොම හරි අවසානයේ ඔහුට ලැබුන ප්‍රතිපලය මෙන්න මේකයි. 85%ක් ඔහුට හොඳ ප්‍රතිචාර ලැබිලා තිබුනා. ඉතුරු 15%  විවේචනය කරලා තිබුනා.


මිනිස්සුන්ට මං හිතන්නේ මගේ ප්‍රසිද්ධිය දරාගෙන ඉන්න බැරුව ද දන්නේ නෑ.

මිනිස්සු කියන්නේ හරි අමුතු ජාතියක් කියලා කියන්නේත් මිනිස්සුම තමයි. එහෙවු අපි තවත් පුද්ගලයෙක්ට චරිත සහතික ලියන්නත් හරි දක්ෂයිනේ..



Copyright © 2016. All Rights Reserved. Designed and Developed by TNLRN Online