ඉස්සරට වඩා අපිට දැන් ඉල්ලුම වැඩි

පොඩි කාලේ ඉදන් තමන්ට තිබ්බ ඒ බලාපොරොත්තු ටිකෙන් ටික වෙනස් වෙලා ජීවිතේ වෙනස්ම පැත්තකට යොමු වෙනවා. හිතුවෙවත් නැති විදියකට තමයි ක්ලීටස් මෙන්ඩිස් රංගනයට සම්බන්ද වෙන්නේ. පාසල් යන කාලේ ඉදන් ක්ලීටස් මෙන්ඩිස් කියන්නේ දක්ෂ foot ball player කෙනෙක්. ඔහුගේ තිබුන බලාපොරොත්තුවක් තමයි ලෝකෙම පිළිගන්න foot ball player කෙනෙක් වෙන එක. නමුත් ඔහුට එහෙම වෙන්න හැකියාවක් ලැබෙන්න නෑ. 

ක්ලීටස් මෙන්ඩිස්ට තිබ්බ අනිත් බලාපොරොත්තුව තමයි හමුදාවට බැදෙන එක. ඔහුට පොඩි කාලේ ඉදන් තිබ්බ ලොකුම හීනේ තමයි ඒ. නමුත් අවාසනාවට ඒ දේ සාර්ථක වෙන්නෙත් නෑ. ඔහුට ජීවිතේ ඇතිවුන ලොකුම කලකිරීම තමයි හමුදාවට යන්න බැරි වුන එක. 

කොහොම හරි අහම්බෙන් වගේ 1974 දී රංගනයට සම්බන්ද වෙනවා ඒ වේදිකා නාට්‍ය හරහා. මොකද ක්ලීටස් මෙන්ඩිස් කියන්නේ සෑම සටන් කලාවක්ම හදාරපු කෙනෙක්. ඊට පස්සේ ඒ කියන්නේ 1978 විතර තමයි ක්ලීටස් මෙන්ඩිස් "වීර පුරන් අප්පු" චිත්‍රපටය හරහා සිනමාවට සම්බන්ද වෙන්නේ. එත් එක්කම ක්ලීටස් මෙන්ඩිස්ට වේදිකාව මගහැරුනලු. 

රංගන ක්ෂේත්‍රය තුල දැවැන්ත චරිතයක් විදියට තාමත් මිනිස්සුන්ගේ හිත වල ඉන්න ක්ලීටස් මෙන්ඩිස්ව අපි attitude check වැඩසටහනට සම්බන්ද කරගත්තා. අපි ඇහුවා මිනිස්සු මොන විදියටද ක්ලීටස් මෙන්ඩිස්ව දකින්නේ කියලා. වැඩසටහන තුල ක්ලීටස් මෙන්ඩිස්ට ලැබුනේ මෙන්න මේ විදියේ ප්‍රතිචාර. 

"මේ අපේ රටේ ඉන්න මැණිකක්."
"රංගනයේදී ඒ දාන acting වෙන කාටවත් දාන්න බෑ."
"ඔහුගේ හැකියාව අපි අගේ කරන්න ඕනේ."
"ලංකාවට ඕනේ මේ විදියේ චරිත තමයි."
"හොඳකුත් නෑ. නරකකුත් නෑ."
"එදා ඉදන් රංගනයේ ප්‍රබල චරිතයක්."
"හොඳ හදවතක් තියෙන පුද්ගලයෙක්."

වැඩසටහන ඇතුලත අපි ඔහුව දුරකථනය ඔස්සේ දෙවතාවක් සම්බන්ද කරගත්තා. මේ ප්‍රතිචාර එක්ක ක්ලීටස් මෙන්ඩිස්ට ලැබුන අනිත් ප්‍රතිචාර වලට පිළිතුරක් අපි ඔහුගෙන් විමසුවා. 

මේ පලමු වතාවේ ඔහු දරපු අදහස ඔහුට ලැබුන ප්‍රතිපලයට.
 

මිනිස්සු කියනවා ඉස්ස්සර වගේ ක්ලීටස් මෙන්ඩිස්ට දැන් ඉල්ලමක් නෑ නේද කියල.?
"වෙනදට වඩා දැන් ඒ ඉල්ලුම වැඩි වෙලා තියෙන්නේ. දැන් අපිට වෙලාවත් මදි."

ක්ලීටස් මෙන්ඩිස් රඟපෑවේ නපුරු චරිත විතරයි. ගහ මරාගන්න චරිත විතරයි. ඇයි මේ වගේ එකම රාමුවකට කොටු වුනේ කියල නිසු අහනවා?
"ඒක ඇත්ත. දුෂ්ට චරිත තමයි මට ලැබුනේ. එහෙම වුනේ ගොඩක් අය මාව ඉල්ලනවා. ඒ මම ඉන්න විදිය නිසා."

මෑත කාලයේ චිත්‍රපට වලට ක්ලීටස් මෙන්ඩිස්ට ආරාධනා ලැබෙන්නේ නෑ නේද කියල තව කෙනෙක් ඇහුවා?
"අරාධනා නම් ලැබෙනවා. ඉතිහාස කතා එහෙම ගොඩක් ලැබෙනවා..නමුත් මම භාර ගන්නේ නෑ."

මේ සියලු දේ එක්ක අවසානයේ ක්ලීටස් මෙන්ඩිස්ට ලැබුනේ ප්‍රතිපලය 74%ක ප්‍රමාණයක් කියලා තිබ්බා ක්ලීටස් මෙන්ඩිස් කියන්නේ හොඳ චරිතයක් කියලා. එත් එක්කම ඉතුරු 26%ක ප්‍රමාණය ඔහුව විවේචනය කරලා තිබුනා. 
 


මිනිස්සුන්ට මං හිතන්නේ මගේ ප්‍රසිද්ධිය දරාගෙන ඉන්න බැරුව ද දන්නේ නෑ.

මිනිස්සු කියන්නේ හරි අමුතු ජාතියක් කියලා කියන්නේත් මිනිස්සුම තමයි. එහෙවු අපි තවත් පුද්ගලයෙක්ට චරිත සහතික ලියන්නත් හරි දක්ෂයිනේ..



Copyright © 2016. All Rights Reserved. Designed and Developed by TNLRN Online