මේ ප්‍රතිඵලයත් එක්ක මට ඡන්දේ ඉල්ලනත් පුළුවන් වෙයි වගේ..

තමන්ගේ රසිකයන්ව ක්ෂණිකවම හිනස්සනව කියන්නේ ඒක වෙනස්ම හැකියාවක්. "රොනී ලීච්" රංගනය ගායනය මේ දෙකම සමබර කරගෙන රසිකයාගේ ආදරයත් එදා ඉදන් රදවාගෙන එදා ඉදන් අද වෙනකල් ඒ නම වෙනසක් නොවී තියාගෙන එනවා කියන එක ලේසි නෑ. 1972 ආදුනික ගී තරඟයකට සහභාගී වෙලා අවසන් 45 දෙනා අතරට ඇවිල්ල සිවුවෙනියා බවට පත් වෙනවා. 

1973 ආශාවක් තිබ්බා සංගීත කණ්ඩායමක ගී ගායනය කරන්න. ඒ ආශාවත් කොහොම හරි ඉෂ්ට කරගත්ත ඔහු සංගීත කණ්ඩායම් කීපයක ඉඳලා තියනවා. play boys තමයි ඔහුගේ මුල්ම සංගීත කණ්ඩායම. ඊට පස්සේ super golden chines, හේස්, super තරංගා, මේ සියලු සංගීත කණ්ඩායම් වල ඉඳලා තියානවා. කොහොමහරි රොනී 1984 වගේ විදේශ ගත වෙනවා. අවුරුදු කිහිපයකට පස්සේ ඔහු ලංකාවට එනවා. ඒ ආපු ගමනේදී තමයි ඔහු gypsis සංගීත කණ්ඩායමත් එක්ක එකතු වෙලා "තට්ටයා" කැසට් එක නිකුත් කරන්නේ. 

පාසල් යන කාලේ ඉදන් සංගීතයට තිබ්බ ඒ හැකියාව සහ ගීත ගායනයට තිබ්බ ඒ දක්ෂතාවය නිසාම ඔහු ලංකාවේ ඉන්න හොඳ ප්‍රාසාංගික පුද්ගලයෙක් වෙනවා. මොහුව attitude check වැඩසටහනට සම්බන්ද කරගන්න ඕනේ කියල අපිට හිතුනා. මිනිස්සු ඔහුට කිව්වේ මෙන්න මේ විදියේ අදහස්. 

"රොනී කියන්නේ හොඳ විහිලු කාරයෙක් නේ."
"අපි නම් රොනී කැමතියි"
"අපි රෝනීගේ තට්ටේට තමයි කැමතිම."
"ලස්සන පෙනුමකුත් තියනවා."
"රංගනය තමයි රෝනීගේ හොඳම."

මෙහෙම දේවල් කියන අතරේ රොනී ලීච්ට මිනිස්සු වෙනස් විදියේ අදහස් කිහිපෙකුත් කියලා තිබ්බා.

අපි දැකල තියනවා රොනී ක්ෂණිකවම විහිලු කරනවා. ඒත් ඒ දේවල් වලට මිනිස්සුන්ට හිනා යනවා ද කියලා මිනිස්සු අහනවා?
"මිනිස්සුන්ට එහෙම හිතන පුළුවන්. හිනා යන්නේ නැද්ද දන්නේත් නෑනේ ඉතින්."

ගායන ක්ෂේත්‍රයට ආවට ඒ තරන්ම ගායන පැත්තෙන් හරි දෙයක් කරන්න බැරි වුනා නේද? රසිකයෝ මෙහෙමත් අහනවා?
"ඔවු ඒකෙ ඇත්තකුත් තියනවා. මම පුළුවන් දේ කරනවා."

තවත් කෙනෙක් ඇහුවා රංගනයේදී serious charactor එකක් ලැබුනොත් ඒක භාරගන්නවා ද කියලා?
"මම හැමෝටම කියන්නේ මට එහෙම චරිතත් පුළුවන්. ඒ වුනාට මට අධ්‍යක්ෂකවරු දෙන්නේ අනිත් චරිත."

අවසානයේ ඔහුට ලැබුන ප්‍රතිපලය තමයි 82%ක් ඔහුට හොඳ ප්‍රතිචාර ලැබුනා. ඉතුරු 18% ඔහුව විවේචනය කරලා තිබුනා. ප්‍රතිපලයෙන් පසුවත් ඔහු අදහස් දක්වද්දී ඔහු කිව්වේ "මේ ප්‍රතිපලයත් එක්ක මට ඡන්දෙ ඉල්ලනත් පුළුවන් වෙයි නේද" කියලා.


මිනිස්සුන්ට මං හිතන්නේ මගේ ප්‍රසිද්ධිය දරාගෙන ඉන්න බැරුව ද දන්නේ නෑ.

මිනිස්සු කියන්නේ හරි අමුතු ජාතියක් කියලා කියන්නේත් මිනිස්සුම තමයි. එහෙවු අපි තවත් පුද්ගලයෙක්ට චරිත සහතික ලියන්නත් හරි දක්ෂයිනේ..



Copyright © 2016. All Rights Reserved. Designed and Developed by TNLRN Online