මම කාටවත් පහර දුන්නේ නෑ.. ඒක බොරුවක්..

සුරේන්ද්‍ර පෙරේරා.. හලාවත ඉපදිච්ච මොහු කාලයත් එක්ක තමයි කොළඹට එන්නේ. අපේ රට ඇතුලේ වෙනස්ම ආරේකට ගීත ගායන කරන කෙනෙක්. reality තරගයට ඉදිරිපත් වෙන්න කලින් සුරේන්ද්‍ර කියන්නේ කණ්ඩායම් සංගීතය නියෝජනය කරපු කෙනෙක්. ඔහු සංගීත කණ්ඩායම් කීපයක්ම නියෝජනය කරල තියනවා. ඊට පස්සේ තමයි reality තරගයක් හරහා ලංකාවේ සංගීත කශේත්‍රයට පා තබන්නේ. 

ගිම්හානයේ පිපිච්ච, වැහි පබළු සැලී, මගේ මනමාල, ලං ලං වෙලා, ආයේ රැවටෙන්න බෑ, මන රංජනා, හීනයක් වගේ, මේ සුරේන්ද්‍රගේ සින්දු වලින් කිහිපයක්. සුරේන්ද්‍රටම වෙන්වුණු විශාල රසික පිරිසක් අපේ රටේ ඉන්නවා. තාමත් සුරේන්ද්‍ර පෙරේරාට ඒ වගේම රසික ආදරය තියනවා ද? මේ ගැන බලන්න අපි සුරේන්ද්‍ර පෙරේරාව attitude check වැඩසටහනට සම්බන්ද කරගත්තා.

සුරේන්ද්‍රගේ attitude රටේ මිනිස්සු දැක්කේ විවිද විදියට. 

"සුරේන්ද්‍රට මම නම් ගොඩක්ම ආසයි."
"සුරේන්ද්‍රට තියෙන්නේ වෙනස්ම විදියේ හැකියාවක්."
"සුරේන්ද්‍ර සින්දු කියනකොට මට අඬන අවස්ථාත් තියනවා."
"ඒ හඬට voice එකට සින්දු වලට මේ හැමදේටම අපි ගොඩක් කැමතියි."
"මෙයා හොඳයි ද නරකයිද කියන්න නම් දන්නෑ. ඒත් මෙයාගෙ ගායනා වල නම් අඩුපාඩුවක් තියෙනවා. ඒ අනවශ්‍ය විදිහට ස්වර චලනය කරනවා වැඩියි. සීතලට වෙවුලනවා වගේ මෙයා ගීත ගායනා කරන්නේ. මට හැඟෙන දේ කිව්වේ එච්චරයි.''

මේ දේවල් එක්ක සුරේන්ද්‍රට ලැබුන අනිත් ප්‍රතිචාර වලට පිළිතුරු බලාපොරොත්තුවෙන් අපි ඔහුව attitude check වැඩසටහනේ පැය ඇතුලත  කරගත්තා. ඒ දේවල් වලට ඔහු  මෙන්න මේ විදියට,

සුරේන්ද්‍ර කියන්නේ වගකීමක් නැතුව වැඩ කරනවා කියලා තමයි මිනිස්සු කියන්නේ?
"නෑ නෑ.. මම වැඩ කරන්නේ හොඳ වගකීමෙන්. මම දන්නවා මගේ වැඩ ගැන."

සුරේන්ද්‍ර musicle shows වලට එනවා කියලා අන්තිමට phone answer කරන්නෙත් නෑ කියලා මට කෙනෙක් කිව්වා?
"මම එහෙම වැඩ කරන්නේ නෑ. සමහර වෙලාවට මගේ නම බැනර් වල දාල තියනවා මම දන්නෙත් නෑ."
 
ටිකක් විතර අහංකාර කමකුත් තියනවා නේද සුරේන්ද්‍රගේ කියලා මිනිස්සු අහනවා?
"එහෙම නම් දෙයක් නෑ. මම දැක්කම කතා කරනවා ඕනේ කෙනෙක් එක්ක. හබැයි ඉතින් මගඇරෙන අවස්ථා තියෙනවා."

දඹුල්ල පැත්තේ රසිකයෙක්ට පහර දීලා ප්‍රශ්නයක් වුනා කියලා මිනිස්සු කියනවා?
"ඒක වැරදි වැටහීමක්. මම කරපු දෙයක් නෙවෙයි."

මේ හැමදේම එක්ක සුරේන්ද්‍ර පෙරේරාට ලැබුන අවසාන ප්‍රතිපලය තමයි 69% ඔහුට හොඳ ප්‍රතිචාර ලැබිලා තිබුනා. ඉතුරු 31%ක ප්‍රමාණය ඔහුව විවේචනය කරල තිබුනා..
 


මිනිස්සුන්ට මං හිතන්නේ මගේ ප්‍රසිද්ධිය දරාගෙන ඉන්න බැරුව ද දන්නේ නෑ.

මිනිස්සු කියන්නේ හරි අමුතු ජාතියක් කියලා කියන්නේත් මිනිස්සුම තමයි. එහෙවු අපි තවත් පුද්ගලයෙක්ට චරිත සහතික ලියන්නත් හරි දක්ෂයිනේ..



Copyright © 2016. All Rights Reserved. Designed and Developed by TNLRN Online