මම තරුණ පරපුර විවේචනය කරනවා කියලා කියනවා නම් ඒක පාපයක්

තාත්තා වේදිකා නාට්‍ය නළුවෙක් වුනාට පුතා කැමැත්තක් දැක්වුවේ ගායනයට..
ධනපාල උඩවත්ත.. ළමා කාලේ ඉදන් ගායනයට මනා හැකියාවක් තිබුන කෙනෙක්. එදා මොහු ගොඩක්ම ආස කරලා තියෙන්නේ රුක්මනී දේවීගේ සින්දු වලට. පාසල් කාලේ ගම්බද ගී ගායනා තරග වලට සහභාගී වෙලා ජයග්‍රහණය කරලා තියෙනවා. ඒ විතරක් නෙවෙයි කවි ගායන තරග. මෙන්න මේ වගේ සෑහෙන දක්ෂතාවයක් තිබුන ඔහුට පොඩි කාලේ ඉදලම. 

1968 තමයි ධනපාල මහත්මයාගේ මුල්ම සින්දුව එළිදක්වන්නේ. ඒ "කියයි මිහිරිකතා" සින්දුව ඊට පස්සේ "ඈ නීල වරල පීරලා" සින්දුව. 

රටේ මොනවා හරි සිද්දියක් වුනොත් ඒ සිද්දියට සම්බන්ද සින්දුවක් නිර්මාණය කරන එක ධනපාල උඩවත්තගේ එදා සිරිතක් වුනා. ඒ ගැන බොහෝ දෙනෙක් දන්නවා. තව දෙයක් ලංකාවේ දිගම සින්දුව නිර්මානය කරලා තියෙන්නෙත් ධනපාල උඩවත්ත මහත්මයා. ඒ තමයි "සිංහල සිනමාවේ චිත්‍රපට නම් ඇතුලත් සිනමා වංශකතාව" කියන සින්දුව. ඒත් එක්කම සිංහල චිත්‍රපට රැසකට සංගීතයෙන් ඔහු ගායනයෙන් වෙලා තියනවා. මෙවැනි චරිතයක් attitude check වැඩසටහනට සම්බන්ද කරගත්තොත් මිනිස්සුන්ට මොන වගේ අදහසක් තියෙයිද? ඔහුගේ රසිකයෝ මොන විදියේ අදහසක් දක්වයි ද? ඒ දේවල් ගැන විමසන්න අපි වැඩසටහනට ඔහුව සම්බන්ද කරගත්තා.

වර්තමාන පරපුර විවේචනය කරන චරිතයක් තමයි ධනපාල උඩවත්ත කියන්නේ කියලා මිනිස්සු කියනවා?
"ප්‍රසංග වේදිකාවට ගියාම අලුත් ගායකගායිකාවෝ මාත් එක්ක හොඳ සුහදව ඉන්නවා. මම කවදාවත් ඒ අයව විවේචනය කරලා නෑ."

අලුත් නිර්මාණ දැන් එන්නේ නෑ නේද ධනපාලගේ දැන් ඇයි ඒ? රසිකයෝ එහෙම අහනවා?
"මම ඉතින් වේදිකාවෙන් ඉදිරියටම ගිහින් ඉන්නේ දැනුත්. මගේ සින්දු මොනවා හරි ඕනේ නම් කාටහරි මම දෙනවා."

ඉස්සරනම් ප්‍රසංගයකට ධනපාල උඩවත්ත මහත්මයා ඉල්ලන්නේ හරි සාධාරණ මුදලක්. ඒත් දැන් එහෙම සාධාරණයක් නෑනේ කියලා තමයි මිනිස්සු කියන්නේ?
"මම ඉන්නේ මොරටුවේ. මට වාහනේට ලොකු වියදමක් යනවා. වියදම් වැඩීනේ දැන් කොහොමත්"

ධනපාල උඩවත්ත කියන්නේ හරිම කලබලකාරී චරිතයක් නේද කියලා රසිකයෝ අහනවා?
"ඒ මගේ හැටි. මම කතා කරනකොට හිතන්නේ හැමෝම මම කලබලයි කියලා."

මේ දේවල් එක්ක ධනපාල උඩවත්ත මහත්මයට ලැබුන අවසාන ප්‍රතිපලය. 75% ක් හොඳ ප්‍රතිචාර තිබුනා. ඉතුරු 25%ක ප්‍රමාණය ඔහුව විවේචනය කරලා තිබුනා. 


මිනිස්සුන්ට මං හිතන්නේ මගේ ප්‍රසිද්ධිය දරාගෙන ඉන්න බැරුව ද දන්නේ නෑ.

මිනිස්සු කියන්නේ හරි අමුතු ජාතියක් කියලා කියන්නේත් මිනිස්සුම තමයි. එහෙවු අපි තවත් පුද්ගලයෙක්ට චරිත සහතික ලියන්නත් හරි දක්ෂයිනේ..



Copyright © 2016. All Rights Reserved. Designed and Developed by TNLRN Online