රසිකයෝ මගේ මූණටම කියනවා flashback සංගීත කණ්ඩායම තියෙන්නේ මම නිසා කියලා

සංගීත කණ්ඩායම් අතර ගායන ශීල්පින්ගෙන් ප්‍රසිද්ධ සහ එදා ඉදන් ආදරයට පාත්‍ර වුනු ගායකයෙක් තමයි කිංස්ලි පීරිස් කියන්නේ. ගී ලොවට මල් වරුසාවක් ගෙනත් දුන්න ගායකයෙක් විදියට තමයි හැමෝම මොහුව නම් කරන්නේ. ඒකට උදාහරණ තියනවා. දෙහි මලක්, පිනි මලක්, දෙළුම් මලක්, ඩේලියා මලේ, වරා මලේ, මෙන්න මේ විදියට ආදරේ මල් වලට සමාන කරා. 

1986 පාසලෙන් ඉවත් වෙනවත් එක්කම 1989/1990 වගේ flashback සංගීත කණ්ඩායම පටන් ගන්නවා ඒ රොෂාන් ප්‍රනාන්දු සමග. වර්තමානයේ flashback සංගීත කණ්ඩායමේ ඉන්න නිත්‍ය ගායන ශිල්පියා. කිංස්ලිගේ පළමු සින්දුව වෙන්නේ පොඩි කාලේ මරද වැල්ලේ සින්දුව. ඒ හරහා කිංස්ලි ප්‍රසිද්ධ වෙන්නේ 2000/2001 අවුරුද්දේ විතර. ඊට පස්සේ 2003 වගේ ජෝති උපහාර නමින් කැසට් පට 3ක් නිකුත් කරනවා. ඒ අතරේ ඔහුගේම ගීත ඇල්බම කිහිපයකුත් එනවා. "දෙළුම් මලක්" 1,2 සහ 3 නමින්. විශාල රසික පිරිසක් ඉන්න මෙවැනි චරිතයක් attitude check වැඩසටහනට සම්බන්ද කරගන්න අපිට හිතුනා. කිංස්ලි පීරිස් කියන චරිතයට මිනිස්සු ප්‍රතිචාර දැක්වුවේ මේ විදියට. 

"නියමයි ආසම singer කෙනෙක්"
"එදා ඉදන් අපි කැමතියි මනුස්සයෙක්."
"සංගීත කණ්ඩායමේ දීර්ග කාලයක් ඉන්න එකම වටිනවා"
"අපි ගොඩක් ආදරෙයි"
"හොඳ හදවතක් තියෙන කෙනෙක් වගේ පේනවා."
"කටහඬ වගේම.. ඒ ගීත වලත් වෙනස්ම දෙයක් තියනවා"

වැඩසටහන අතරතුර අවස්ථා දෙකකදී අපි ඔහුව සම්බන්ද කරගත්තා. ඔහුට ලැබුන ප්‍රතිචාර වලට කිංස්ලි පීරිස් අදහස් අදක්වුවේ මෙන්න මේ විදියට. 

සංගීත කණ්ඩායමේ සින්දු කියනවා විතරනේ අලුත් නිර්මාණයක් වත් හරියට නෑනේ කියලා මිනිස්සු කියනවා?
"ඔවු ඉතින් ඒ දවස් වල අලුත් සින්දු ගොඩක් කරා. දැන් ඉතින් එහෙම ගොඩක් එලවන්නේ නෑ."

හැමදාම එකම තැන තමයි ඉහල යෑමක් නෑ. පහල යෑමකුත් නෑ. මෙහෙම තමයි ගොඩක් අය කියන්නේ?
"ඒක ඇත්ත. මම මගේ පාඩුවේ වැඩටික කරගෙන ඉන්නවා."

අනිත් අය ඉහල යනවා කිංස්ලි පීරිස්ව යොදාගෙන කියලා තමයි රසිකයෝ කියන්නේ?
"එහෙම කියනවා. සමහර රසිකයෝ කියනවා ඔයා නිසා තමයි flashback සංගීත කණ්ඩායම තියෙන්නේ කියලා. මම ඉතින් එයාලට තේරුම් කරලා දෙනවා "

කිංස්ලි පීරිස්ට ලැබුන ප්‍රතිපලය තමයි 83%ක් ඔහුට හොඳ ප්‍රතිචාර ලැබිලා තිබුනා. ඉතුරු 17% ඔහුව විවේචනය කරලා තියනවා. 

 


මිනිස්සුන්ට මං හිතන්නේ මගේ ප්‍රසිද්ධිය දරාගෙන ඉන්න බැරුව ද දන්නේ නෑ.

මිනිස්සු කියන්නේ හරි අමුතු ජාතියක් කියලා කියන්නේත් මිනිස්සුම තමයි. එහෙවු අපි තවත් පුද්ගලයෙක්ට චරිත සහතික ලියන්නත් හරි දක්ෂයිනේ..



Copyright © 2016. All Rights Reserved. Designed and Developed by TNLRN Online